الخميس، 10 مارس، 2011

أمثال شعبية مغربية


* أكازا يا كازا يا اللي مشا ما جا
* أ كازا من ننساك حتى نموت حداك
* أمولاي بوسلهام يا ريش النعام
* سيدي قاسم زين الماسم
* مراكش كالو بعيد بين النخلة والجريد
  • الوركة المزيانة ما تحتاج نعناع
باع دارو وكرا عند جارو
  • الناس في الناس والقرع في مشيط الراس
  • الليل بودنبه و النهار بعينيه
  • اللي بغى الزين, يصبر لتقيب لودنين
  • غسلات الـدجاجة رجليها و نسات
    ما فات عليها
  • النصيحة وسط الناس فضيحة
  • هي قد دبزة أو غالبة السلطان بلبسة.
  • ميات تخميمة أوتخميمة ولا ضربة بلمقص.قديمة
  • انا نتقول لحبيبي وحبيبي تيقول لحبيبو وكلامي فين مشيت نصيبو
  • حماتي للاتي و مراتي مولاتي
  • خدم يا التاعس على لناعس
  • عمى بن عمى ليشوف لغيام في السما اويدير حويجوا في الما
  • كل هم كاوي والصبرهو ليداوي
  • تفكر حبيبك وهواه وتفكر فعايلو نساه
  • قاليك هو دق علينا وحنا عرفنا اشنو ناوي وجوبناه لكبير في كركاع خاوي
  • العز والنصر والسكنة فلقصر
  • الصمت حكمة و منه تتفرق الحكايم
  • لو ما نطق ولد اليمامة ما يجيه وليد الحنش هايم
  • الصمت الذهب المسجر و الكلام يفسد المسالة
  • اذا شفت لا تخبر و اذا سالوك قل لا لا
  • خفيف الأقدام يمل ولو كان وجهه مرايا
  • قليل الأكتاف ينزل لو كان جهده عتاية
  • سافر تعرف الناس وكبير القوم طيعه
  • كبير الكرش والراس بنص فوله تبيعه
    نوصيك يا حارث الحلفاء بالك من دخانها لا يعميك
  • لا تتزوج المرأة غير العفيفة تتعاون هي والزمان عليك
  • ما يبقى في الواد غير حجاروا
  • يا اللي تنادي قدام الباب نادي وكن فاهم.
  • لا تخلط في نخالة لا ينقبك الذجاج
سعد لكردى وردة وسعد مولات سالف تالف
  • لي بغالعسل إيصبر لقريص النحل.
  • الضيف كيسلم و مول الدار كيخمم
  • النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
  • الِّيْ ما يكون عَنْدُو العسل في دَارُه يكون عَنْدٌو على طرف لْسَانُو
  • التاجر الا طلب لولاد كيجيه غير الريال و المسكين الا طلب الريال كيجيوه لعيال
  • اللحية في البيت و العايلة خرجات تجيب الزيت
  • عمى بن عمى ليشوف لغيام في السما اويدير حويجوا في الم
  • كل هم كاوي والصبرهو ليداوي
  • لي قالك لتقول ليه وحداليك وحداليه.
  • ربي ما تصيب ، عند ربي ما تخيب
  • ولد النعجة ياكلو الذيب
  • البخيل اللهم فرجلو ولا في النعالة
  • العايق حاضي العايق والذمذومة قاضي حاجة.
  • صادق صديقا صادقا في صدقه@فصدق الصداقة في الصدوق الصادق
  • الجوع و النوع و البكا بلا دموع
  • القرع بفلوسو ارى داك الراس نبوسو
  • كون كان الخوخ ايداوي كون داوا راسو
  • عيشه تبيع الزيت وحمو ناعس بالبيت
  • اللى بغا طامو يحل بزطامو
  • المسلوخة كا تضحك على المذبوحة.
  • الى كان صاحبك عسل متلعقوش كلو.
  • سيدي حادق و لالا احدق منو ، سيدي احسابو القديد و لالا كتقطع منو
  • المذبوحة كتضحك على المسلوخة .جات مقطوعة الراس قالت الله ينجينا من هاذ الناس
  • النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
  • منديل صفية جيت نمسح فيه مسح فيا
  • حاملة و مرضعة و جارا في يديها ربعة و طالعة لجبل تجيب لحبل .
  • اللي شفتيها بسعدها عرفها كتكمل من عندها
  • حلفات العروسة ما تحب الحماة حتى تبياض الفحمة
  1. اللسان يسبح والقلب يذبح
  • حلفات العروسة ما تحب الحماة حتى تبياض الفحمة
  1. المكناسي جوابو في فمو والتطواني حتى يشاور امو.
  2. لي ما واتاه الاخضر ما يلبس ما يحضر.
  • الله يلعن كاس البلار اللي نشرب فيه المرار
  • المحبة المزروبة الله يستر منها لعقوبة
  • اخدم يا صغري لكبري و وفر يا غناي لفقري
  • ما تشري حتى تقلب و ما تصاحب حتى تجرب

  • لا يعجبك نوار في الواد داير ظلايل
    لا يعجبك زين طفلة حتى تشوف الفعايل.
  • لحر بلغمزة و العبد ب دبزة
  • ضربة بدمها ولا كلما بسمها
  • مايهضر فالناس غير المسالي وقليل الترابي
  • كيبات ياكل مع الذيب ويصبح يبكي مع السارح
  • الرجل بالهمة أما اللحية راها حتى عند العتروس
  • ديرها فالرجال وترجاها و ديرها فالنسا و لا تنساها
  • هْمُومْك أعْملْها في شبْكةْ شِي يْطِيحْ شِي يبقى
  • تلحفت بإزار وجبت لبلى الدار
  • جالس على الزبالة ويحكم على الدبانة
  • العِيبْ ماشي على من حرث في السطح العيب لي فالموت وكاي يشطح
  • سافر تعرف الناس و كبير القوم طيعه كبير الكرش و الراس بنص فلس بيعه
  • لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
  • امدح صاحبك مع الناس, و لومو الراس فالراس.
  • ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.


ليست هناك تعليقات:

إرسال تعليق