السبت، 19 مارس 2011

حكم وامثال بالدراجة المغربية

1-ادهن السير يسير .
2- كمشة ديال انحل احسن من قفة ديال الذبان .
3- اختار فاولاد اجرووة تجبد جرو .
4- الزين الا زين لفعال .
5- قد ما عندك قد ما تسوى.
6- قل لي مع من كتمشي انقول ليك اشكون انت .
7- الفار لمقلق من سعد القط .
8- الهم الى اكثر كيضحك .
9- اللي ما عندو هم تولدو ليه احمارتو .
10- لعمش في مملكة العميان هو السلطان .
11- اخدم يا التاعس للناعس.
12- شنعتو علي اوما غطى ودنية .
13- اللي درقك بخيط درقو بحيط.
14- الناس فالناس ولقرع في امشيط الراس .
15- اللي قال الهم اتقاضي ايعرض اللي جاي .
16- فرش لولاد الناس فاين اينعسو اولادك .
17- الزين كيحشم على زينو والخايب غير الى اهداه الله.
18- اسبع اصنايع والرزق ضايع.
19- الفاهم كيفهم والقاري كيتهجى.
20- اجديد ما مايلو جدة والبالي ما اتفرط فيه .
21- الى فاتك الهدرة قل اسمعت والى فاتك الكسعة قل اشبعت.
22- ما دير خير ما يطرى باس.
23- دوز على الواد الهرهوري وما دوز على الواد السكوتي.
24- لي شاف شي بلا اقول الله استر.
25- ارضيت بالهم والهم ما ارضى بي
26- حخلتو من لقطر اصبح كيفرق امعاي لبقر.
27- اربط تجبر ما اتسيب.
28- الوجه المشروك عمرو ما يتغسل.
29- الصنعة الى ما اغنات تستر .
30- حتى قط ما كيهرب من دار العرس.
31- جوع كلبك ايتبعك.
32- الهدرة بزاف واسكات احسن.
33- اللي اكلى دجاج الناس ايسمن ديالو.
34- البس قدك ايواتيك.
35- اللي انفخ على اللبن كيسعاه.
36- على وجه لكتاب كتباس الجلدة.
37- لفقيه اللي انتسناو براكتو ادخل الى اجامع ببلغتو.
38- اللي ابغها كلها كيخليها كلها .0
39- دير ما دار جارك والا حول باب دارك.
40- الحر بالغمزة والعبد بالدبزة.
41- اجمل كيشوف غير احديبة خوه.
42- اللي يتصاحب مع الكراب يتصاحب امعاه في الليالي .
43- حرك الماء ايبان العطشان.
44- سال لمجرب لا تسال اطبيب.
45- منين حتاجتليك يا وجهي حبشوك لقطوط
46- كل شاة كتعلق من اكرعها.
47- ما يدوم في القبر غير مولاه.
48- دبب على حمارك اتحج عليه.
49- صام حتى اعيى وافطر على اجرادة.
50- جوعي في كرشي واعنايتي في راسي.
51- خبزة تحت باطي ما اسمع حد اعياطي.
52- الشطاح ما كينسى هزة لكتف.
53- اللي كيشطح ما كيدرق وجهو.
54- اقلب البرمة على فمها تشبه البنت لامها.
55- ما كيكل وحدو غير الطبل.
56- اللي امغطي بمتاع الناس عريان هو .
57- اللي فيه شي اطبيعة ما ايبيعا.
58- اشكون داها فيك يا لحريرة واليوم العيد.
59- الراس اللي ما يدور كدية
.
60- لفياق بكري بالذهب مشري.
61- اللي زربو ماتو .
62- النملة غير كيزغها الله كيديرلها اجناح.
63- يدك منك ولو اتكون مجدامة.
64- العين ما تعلى فوق الحاجب.

65- ضربو لحلقو ينسى اللي خلقو।

لا حبيب الا حبيب الشدة

من حبه ربه واختاره جاب له رزقه على باب دراه

الشمعة كتضوي للناس و كتحرق روحها

للي ما لقى الخير فركانو يكون الخير فلسانو

وَقْتْ احْتَاجيتْكْ يا وجْهْي, خْرْبْشْوكْ لقْطُوطْ

المزغوب حتى ليلة عرسو قصيرة

الحمار مخبي ووذنيه برّا

الرزق قليل و طاحت فيه دبانة

الساكت عن الحق شيطان اخرس

الشمس ما تتغطى بالغربال

من صفعني نفعني

حماتي للاتي و مراتي مولاتي

يلا عشقك القمر و هلاله اشعليتك فالنجوم يلا مالو

ضربة بدمها ولا كلما بسمها

موت يحمار لمن يجيك الربيع

الي ما يطيع يضيع

شوفته حزن وافراقه عيد

زواج بنت العم اوسيدة للهم

حمقاء وقالوا لها زغردي

إتبع الحمـار يعلمك الشهيق ولآ النهيق ولآ خـرجـان الطـريق

الخيل واقفة و الحمير تتبورد

حزموني ورزموني ولا تعولو عليا

الفضولي بشكارتو

الفم المسدود ما دخلتو الدبانة

المش إلى شاف الرية بعيدة كيقول خانزة

ولد السبع سبع ما حدو يكبر و هو كيخلع وولد الضبع ضبع تسخرو مو يجيب الخميرة يجيب الشمع

الحنة حرشة و الحناية عمشة و العروسة فيها بوتفتاف

الِّيْ ما عَنْدُو مَا يَشَدّْ إِشَدْ فَمُّو


حلفات العروسة ما تحب الحماة حتى تبياض الفحمة

نوضوها تشطح دارتها بصح

لا وجه للسعاية ولا درع للخدمة

كيقلب على حمارو وهو راكب عليه

كل فولة خامجة كيجيب لها الله فروج عور

سكران وحاضي حوايجو

الرجل بالهمة أما اللحية راها حتى عند العتروس

العكر فوق الخنونة

هبيل تزوج هبيلة وتهنات القبيلة

خطب لبنتك و لا تخطب لولدك

السفيه تينطق غير باللي فيه

ليست هناك تعليقات:

إرسال تعليق